Dil Bhar Aata Hai..!

Wo Taaron ki Chaaon mei baitha Dil ka Haal Sunata hai

Nasamjh si baatein uski par roz mujhe samjhata hai

Kehta hai kuch aur nahi bas sath kisi ka chahta hai

Paas bhi rehna hai mere aur mujhko door bhagata hai

Jugnoo jaisi jalti bhujhti hai khwahish uski

Aur kuch nadan choti choti farmaish uski

Tukde Tukde Zod ke fir se kashti nayi banata hai

Kehta hai rukh ke sath baho aur kinaro se dar jata hai

Mei bas lamhe zod rahi hu Kagaz ki Kashti chhod rahi hu

Manzil ka koi pata nahi Kadmo ko wapis Mod rahi hu

Itna malum hai Dil ko Milo sa Lamba safar hai mera

Bas jab raah akeli dikhti hai kuch der ko dil bhar jata hai